HOME
LYRICS
SONGS
PHOTOS
LINKS
PROFILE

 

 

KOMBUISTEE RAAISEL RYMPIES / KITCHEN TEA RHYME RIDDLES

 

Afdroograk

Skitterblink staan ek gereed

vir stelle eetgerei kompleet

net die skoonstes kom na my

die ander moet in die wasbak bly.

 

Blikkieskos (verpak dit in ‘n emmer/box of in ’n stel Addis of Tupper houers)

Elkeen het sy eie jas

Wat hom al te netjies pas

En in ons lyfies ingeprop

Heerlikheid - ietwat beknop.

As jy ons baadjies sou verloor

Sal jy ons koppies moet deurboor

Gooi ons uit en besluit dan

Wat jy met die inhoud wil aanvang.

 

Blikoopmaker

Kners-knars breek ek maklik deur

al in ‘n kring ontsnap die geur

of net twee gaatjies teenoorgesteld

maak van my ‘n drup-vry-held.

 

Botteloopmaker (Wyn)

Drank van gode, glinstersap

ek help jou om die vog te tap

draai my flink al om en om

(as ek my werk ordentlik doen)

word julle sommer vinnig ‘dom’.

 

Botteloopmaker(Bier)

Met ‘n knik van my koppie

is dit weg met die doppie

 

Broodmes

Stapelvoedsel van skoliere,

kleuters met grondboontjie-giere

Iemand moet dit voorberei

en wie dink jy moet dit dalk sny?!

 

Eierspaan

Wie was eerste?

Die hoender of die hoenderhaan?

Of dalk skep die eier die voortbestaan?

Sonskynkant bo, omelet of geroer

en dan kan jy nog deur my lyf ook loer...

 

Groenteskiller

Twee lemmetjies loop parallel

Ontklee heel rats ’n aartappel

Wortels en patattas ook

Voor jy weer sien – skoon kaalgestroop!

 

Knoffel-’crusher’

Sjoe, die geurtjie is verruklik

Wanneer almal heel inskiklik

Wel dieselfde dis bestel –

Dis slakkekind se beste pêl!!

Maar om die vruggie fyn te maak

Moet jy juis teen die geure waak –

Skil versigtig – druk dit styf

Deur die ogies van my lyf –

Smeer dit op ’n braaivleisbrood

En kyk hoe vreet almal hul dood!!

 

Koffiebekers

Ore wat nie luister

monde wat nie fluister

Bodems wat jy nie kan sien

as jy ons vol geur bedien.

Maak ons vol met boeretroos -

sit ons voor - sommer pieringloos.

 

Melkbeker

Lank gelede - nog voor ons tyd

Moes ouma al vroegoggend uit

En Miena-Moe se spene trek

Nou is daar bottels in haar plek

Maar ás jy dan nou tee bedien

Wil niemand mos ‘n bottel sien?!

Sit dus die vloeistof van ivoor

Fatsoenlik fyntjies in my voor...

 

Opskeplepel(s)

“Ek eet dit nie!

Ek wil nie hê!!”

Is wat ek elke kind hoor sê

As oeste van die groenteboer

In ‘n ruim hoop oor my randjie loer…

 

Rasper

Honderd gaatjies

Soos soldaatjies

in ry en in kolom-gelid

groente teen my wang gesit

verander ek – sal jy kan raai? -

sommer gou in ’n “Kentucky“-slaai!

 

Resepte (boekie)

Woorde, Mates, Grade

Voorskrif vir jou ‘kookkunsdade’

As jy dit stap vir stap nakom

Slaan jy tot vir skoonma stom!

 

Skoonmaakmiddels (Verpak netjies in ’n plastiekmandjie, wasgoedmandjie of emmer – gooi ’n verestowwer, stoflap en spons by......)

Tennis-elmboog kan jy

Ook van hierdie ’sportsoort’ kry (alternatiewelik: ’werksaamheid’ of ’bedrywigheid’)

Bottels en blikke vol towerkrag

As jou huis na skoonheid smag.

 

Slaaitang/lepels

Bokke-kos met kleur vermeng -

Tamatie, uie en ’elkere dêng’

Vinkel en Koljander

Die een is soos die ander

Vat ons vas en skep die spul

By jou hoofmaal - as jy wil –

Jy kan jou ook deftig gedra

En ’n aparte bordjie vra...

 

Soplepel

Dikkes, dunnes, gekook tot perfeksie

siekte-, winter-, troos-konneksie

So verskaf ek net die regte porsie

maar oppas! dat jy tog nie mors’ie!

 

Stoflap

Sagte weefsel teen jou wang

Sal ook trane op kan vang

Maar op my beste is ek tuis

Op ‘n stofspoor in die huis.

 

Uurglas

Partytjie, piekniek of brêkfis-tyd

Nooit meer raai as hy uit die pot moet uit

Heel in sy dop, gehalveer of geskyf -

Elke vrou wens soms sy’t my oulike lyf!!

 

Vadoek

Glase stralend blink gevryf en messegoed poleer

Borde, bekers, pot en pan se druppels afgeweer

Vou my dubbeld as my maat

’Vatlap’ jou in die steek sou laat

Skoonmaak, opvee, afdroog-trots

Maar hou my net weg van babakots!!! (hahaha - skuus – konnie help nie!! ;o)

 

Vatlap(pe) (het my ‘n rukkie ge’vat’ om uit te figure dis potholders!! – ai tog…die arme girl wat dit versoek het was omtrent geduldig!)

Ouma had een goeie raad

As hitte in die ergste graad

Jou vingerpunte sou bedreig

(En die pyn jou daarvan weerhou om te swyg)

Sy’t altyd gesê: ”gryp vas jou oor“

Dit trek die brand uit (oor jy nie wil hoor!!),

Maar mag ons dan eerder voorstel dat

Ons in die bakproses jou hande se werk oor sal ‘vat’?!

 

Vergiettes (die Engelse noem dit ‘n strainer of colander – mens spoel pasta of groente daarin uit – jinne maar ek leer darem cool nuwe woorde elke dag!!)

Flink word ek al rondgeskud

Onder krane neergesit…

Dankie tog my boep het gate

(Ek hoef nie te leer hoe om te swem - )

Al bly ek leegtap, is my bate

Juis dat ek nie die afvoer rem!

Pasta, slaai en skoon spinasie

Is my beste kwalifikasie!

 

 

 

…of in Engels (dishrack with separate utensil basket)

Shining, sparkling, bright, you see

is part of my individuality

The cleanest dishes stacked up high

so you can play until they’re dry.

Allow me to introduce, as well,

my smaller model - who’s quite swell;

lets blade and ladle celebrate

and fork join in the merry date.

 

Kitchen Wallclock

Finely tuned to time your tasks

and tell the same, when someone asks

hands that move in perfect order

circled with a silvery (replace with the frame’s colour) border.

 

Onion Chopper

The tears you’ll cry on days to be

will not for a moment be wasted on me,

for every salad, soup and stew

sliced or diced - I’ll be helping you.

 

Mugs (Cups & Saucers)

Ears that cannot hear you

bottoms that don’t fear you

fill us up and hand a friend

or addict of the substance’s blend:

finely roasted beans served hot

and then ask if they like it black… or not?!